好多落地卡加利既人都會選擇西北區， 而其中一個比較多華人居住嘅就係 Beddington 。 佢官方嘅名稱其實係叫做 Beddington Height , 但係好多時候, 無論中英文, 都淨係叫 Beddington 就算。 有商家 改中文譯音做 “必定頓” ， 有必定安頓嘅意思。
以住宅為主, 密度比較少, 是一個已發展既社區.
交通
其中一個吸引之處就係有幾個巴士站. 無車既朋友可能會方便啲:
- 301巴士快線既站 (BRT)， 直落downtown (20-30min)。 如果係 downtown返工就可以㨂啲近巴士站。
- 3號巴士, 在未有BRT之前，呢個係去 downtown, 南邊的主要早士路線。 雖然無 BRT 咁快, 但會經 downtown, 直到 Heritage Station. 呢架車由 Sandstone Terminal 出發. 或者落 Centre Street (中央街) 亦好方便.
- Sandstone Terminal, 雖然個名叫 Sandstone, 但就係正 Beddington (北) 對面. 所以都好就腳. 除咗有3號線, 亦有其他的巴士.
但要切記, Beddington, (或大至西北區), 都是山區, 較多長命斜坡. 所以就算 google map 話好近, 都未必係咁易行. 到冬天落雪, 地面結冰既時候, 就要小心. 如果家中有行動不便的, 要注意. 以2016年統計, 有大約19%既區內人仕, 以公共交通作為主要交通公具 (卡城整體是16%). 就算你話第時學車，考車，買車都好， 卡加利市中心泊車比較貴，好多人就算有車都會選擇搭巴士。 或者對冬天雪地揸車冇信心，都可以選擇搭巴士。
揸車嚟講, 都算方便. 東邊有 Deerfoot Tr.公路， 中間有 Centre Street， 北邊有 Beddington Tr.。 真係四通發達。
環境和設施
Beddington 以住宅為主, 密度比較少, 是一個已發展既社區。 左右兩邊都有公園包圍住, 而區內都有好多綠色地段, 單車徑, 和狗公園。喜歡戶外, 綠色環境既朋友, 可以嚟睇睇. 社區有 超市，商場， 教會，餐廳。 雖然唔多, 但基本嘢都算有。多數商業活動都係商場附近. 呢個商場唔太係可以行街果啲, 而係事務比較多, 如診所, 牙醫, 眼鏡, 電話等. 都有幾間餐廳係度. 唐人超市, 要跨一，兩個社區, 都算 OK。雖然商業無北少少的 Country Hills, Harvest Hills 多, 但可能係一個好處. 商業較多既地區, 隨之然會提高 犯罪機率, 交通情況, 非區內人仕出入 等問題. 而 Beddington 和 Country Hills / Harvest Hills, 隔咗個公園, 高球場. 所以無直接既影響。
人口
社區有大約 11% 人可以講廣東話, 6% 既人講國語 (2016年人口普查). 比率較高. 有 32% 係移民, 老到新移民 都幾平均. 而東南西北既社區都係華人集中地, 所以想圍爐既時候, 會方便啲. 你身邊既華人朋友, 更會係左近 的社區. 西邊的 Beddington 就比較靜, 利較近一個市內大型公園, Nose Hill Park.
連結
| 區內設施 | 連結 |
|---|---|
| 商埸 | Beddington Towne Square |
| 教會 | 卡城華人宣道會 |
| 社區中心 | Beddington Height Communication Association |
| 公立小學 | Beddington Height School |
| 公立天主教小學 | Saint Bede Elementary School |
報料? 如果你係呢區住, 有野想加, 請到我們的 FB 專頁, inbox 我們. 如果你有咩區想知多啲, 我地都可以先寫呢個區. 也請 Inbox 我們. 加油~
