在加拿大或者北美洲， 好多城市 都會喺一間房屋嘅用地條款上面， 加上一啲條文。 譬如 呢塊地將來可唔可以 分割 成兩個單位？又或者呢一個區可唔可以起一啲嘅排屋或者城市屋呢？ 呢啲區域就係稱為 zone. 當一個城市規劃佢嘅將來嗰陣, 佢就一早計劃好呢度係高密度, 中密度或者低密度嘅地區. 以便佢哋起一啲嘅基建， 商業區，等等.
咁當然幾廿年前規劃好嘅，最終能唔能夠實現，又係另一回事啦。 咁又或者規劃嗰陣， 嗰度好多人但係之後個區啲人離開咗。咁人口密度少咗 ， 理應就可以起多幾間房， 增加返人口。
而家嘅做法係, 如果你塊地本身係唔可以起兩個單位的話， 咁就要向政府申請 Rezone. 咁政府要睇下嗰度嘅社區設施， 能唔能夠承受更多嘅人口。 然後又要睇下你附近嘅鄰居朋友， 贊唔贊成呢樣嘢， 有冇人反對。 咁就有機會可以申請成功。 就算聽起嚟都幾複雜下。
而家政府想諮詢嘅， 就係佢希望全卡成都唔再有呢啲區域之分 。 大部分 地方都可以起一個單位兩個單位或以上。
當然，一個社區突然增加房屋供應嘅時候， 直接影響嘅當然係泊車問題。第二就係社區設施，配套， 基建等等能唔能夠配合區內發展。 多咗人口治安當然 多數會變差。 呢啲都係可能大家關心嘅問題。 過往有啲人專係買一啲屋係有 R2 ， 即係可以容許起兩個單位， 方便將來改建。但係如果而家 一刀切 ， 撇除咗呢種嘅規劃限制， 咁過往畀多啲錢買呢種區域嘅人就變相 不公平。
如果大家想向呢方面對政府提出一啲嘅疑問或者需要更多嘅資料可以到政府公開舉辦嘅機場諮詢會。
傳送:
https://www.cbc.ca/news/canada/calgary/calgary-rezoning-open-house-bowness-1.7104683
諮詢會:
https://www.calgary.ca/planning/projects/rezoning-for-housing.html