當然, 應該無咩人會用個 “死” 字去為一個地區命名, 而呢個地方亦無一個正式既中文名. 不過, 呢個地方, 大家應該都唔會太陌生. 就算無去過, 亦都會經過, 或見過. 因為佢就正正係 Centre 街, 和 16 西北大道 以北的一個商住社區. 呢個地方超過 100 年. 如果想選擇 in-fill , 呢個無疑係一個可以去睇既一個地方. 雖然係舊區, 但亦同時 係一個好方便既社區.
交通
係正 中央街 (Centre Street N.), 好多巴士都會經過. 而中央街直落, 就係市中心. 所以如果係市中心返工既朋友, 一定好方便. 例如 經典的 3號線, BRT 301 快線, 116, 64。 另外, 16大道, 亦都係卡加利的主要大道, 橫跨卡城. 所以好多巴士也會經呢度. 而將來輕鐵綠線既選址, 亦都係附近, 是步行路程. 所以交通方面係一流. 雖然話 中央街 和 16 大道是主打， 但也不容忽視 Edmonton trail （愛民頓徑）. 它不是行山徑， 而是行車的徑。 Edmonton Tr. 過往是工業區（Greenview）和住宅 （Crescent Height, Renfew）居多。 但呢幾年， 多咗一些小店係度開業。 所以都變得幾旺。
環境和設施
對於華人設施, 都一應俱全. 首先中央街 和 16 西北大道, 係好多華人商店既聚集地方, 而呢個社區係正呢個交匯處, 非常之方便. 商埸, 餐廳, 超市, 有華語服務既銀行, 都, 基本上, 可以行過去, 唔止一間, 可以有得揀….. 但我講既係 “基本上”. 點為之基本上? 嗱, 首先, Tuxedo Park 社區既範圍 係由 16 西北大道, 至 32 西北大道. 由南至北係似一個長方型. 你由32 走到16, 都要行廿幾分鐘. 而大多數華人設施, 都係 16 西北大道以南. 可以如果係住近 32 西北大道, 咁你要行耐啲.
但係….
當然, 呢個社區既其中一個賣點係較近市中心, 好多嘢都好方便. 但同時, 係好多較近市中心既社區都有些不多既問題, 就係治安. 舊社區好多時都跟隨著複雜既人流. 一個咁方便既地方, 好多屋主都選擇放租, 因為可以租貴啲. 有著不同人租屋, 租客輪流轉, 可能會令到不同既人出出入入. 變化相當大. 但係, 呢個社區將會有好大既改變, 呢個就係之前講既輕鐵
輕鐵綠線預計, 2027年, 完成呢個綠線最後一個站. 係一個總站. 之後短期都唔會再北上, 因為一直掘隧道都好貴. 所以應該掘到呢度為止. 跟著用巴士, 接駁其他北面社區到呢個轉車. 咁可以大大減少汽車直入市中心. 減少排放 和舒緩交通擠塞. 而以現時市政府既 “步行城市” 政策嚟講, 佢會希望輕鐵站附近都變成高密度住宅. 咁多啲人可以搭公共交通, 以支助營運成本. 所以市政府亦估計, 呢個將會係咁多個站最忙既其中一個. 附近亦有好多舊既建築物, 都等緊機會去重建. 所以將來轉變都會幾大. 雖然話大站頭通常會引來罪犯, 但對於一個市政府重中之重既項目嚟講, 市政府一定會係呢方面著手, 睇緊啲. 不然, 如果 fail 既話, 會得罪好多發展商。 商人會失信心, 亦會影響經濟. 所以市政府會小心行事. 係呢方面, 為有信政府. XD。。。 至於係咪真係 2027 會起好？ 咁真係無人知。 咁大項目通常都會有延誤，所以都係大約而以。 改變， 就一定。 改好都改壞， 就要睇下大家既眼光喇。
商店
除咗之前提及過的華人商埸, 都值得一提以下的知名商店:
Lina’s – 意大利的超市，在卡城都幾出名。 有座位的餐廳， 有外賣帶走的。 麵包，芝士都好多選擇。
Italian Super Market – 在 Lina’s 附近，既另外一間意大利超市, 在 Edmonton Trail. 呢間較少人知.
Il Chianti Restaurant – 意大意餐廳. 唔好以為係同名的連鎖意式餐廳 (Chianti). 佢係獨立的, 家庭式經營.
Nan’s Noodle House – 多國素食麵類餐廳. 有不同的麵供選擇.
地圖
連結
卡城市政府社區資料： https://www.calgary.ca/communities/profiles/tuxedo-park.html
