![[15/7] 加拿大六月平均租金叫價 破紀錄, 卡加利排第 25](https://calgarybuysellhouse.com/wp-content/uploads/2023/05/for-rent-sign.jpg)
Rentals.ca 公佈有關加拿大六月份的房屋租金調查. 加拿大整體的平均租金叫價 (average asking rents) 為 $2042, 打破之前在2022年十一月的最高紀錄($2024)為高. 温哥華持續帶領全國, 一房單位叫價 $2945, 兩房為 $3863, 分別按年上升 18.1% 和 14.2%. 第二是 在大温地區的 Burnaby 本那比, 一房, 兩房分別上升27.2% 18.4% . 本那比急升原因, 有可能因為温哥華租金上升帶動. 本那比正正在温哥華旁邊, 沒有河道, 橋樑分隔, 所以交通和生活圈與温哥華相通.
卡加利的一房單位, 平均叫價為 $1687, 比上年同期上升12.7%. 兩房單位為 $2086, 比同期上升14.5%. 在全國之中, 排第 25 位. 亞省之中最高. 一些以往較少需求的地方有急增趨勢, 如 Red Deer 紅鹿市. 紅鹿市的平均叫價為$1249 一房, $1379 兩房, 分別上升21.1% 和 18.3%.
以上資訊由 Urbanation Inc, rentals.ca network 提供
![[4/7] 六月份卡城銷售上升10%](https://calgarybuysellhouse.com/wp-content/uploads/2023/05/pexels-photo-8469937.jpeg)
卡加利房地產委員會 (CREB) 指出, 六月份銷售量比上年六月份, 上升10.9 %, 即 3146伙. 而基準價亦比上年六月, 上升 4.4%, $564,700.
| 屋類 | 基準價（未經調整） |
|---|---|
| 獨立屋 | $685,100 |
| 孖屋 | $613,100 |
| 城市屋 | $400,000 |
| 柏文 | $303,200 |
傳送: https://www.creb.com/News/CREBNow/2023/July/Another_record-high_month_for_Calgary/
加拿大房地產協會 （CREA） 今日公佈， 四月份全國平均房屋銷售價（不分類別）比上年 4月份升11.3%，至$719,000。但比上年下跌3.9%。
主要係溫哥華和多倫多地區 帶動升幅。如果唔計，平均屋價係 大約 $575,000。
多倫多市議會宣佈，將會批准市內全部區域興建 Multiplex （復式住宅 ），包括俗稱孖屋（duplex 或 semi-detached）。唔單只係打孖，３ 或４單位都可以。 統稱 Multiplex，復式單位 。一直以來， 大多倫多只有兩成幾既地方容許興建復式單位。 復式單位係温哥華， 卡加利， 滿地可… 等城市 都很普遍. 尤其係孖屋. 孖屋意思係, 外形似一間大屋, 但實際就分開左右兩邊, 兩個單位. 有獨立出入口. 兩單位, 通常只有一牆之隔. 但另外一邊, 就沒有觸碰其他單位. 有些時候, 左右兩邊對稱, 打孖咁樣, 所以稱之為 孖屋. 當然, 也有好多設計令到一間孖屋唔似孖屋. 或者一間有兩層, 另一間只有一層. 咁相連既牆就減少. 始終加拿大木屋為多, 都易傳聲. 現在多市宣佈既, 係可以最多4 個單位. Quadplex (或 4-plex) 可以係似正方型, 每一個角係一個單位. 或者係排屋, 但可能沒需要交管理費. 上下分亦可以. 滿地可較多呢類型.
*復式住宅: 不同地區， 城市的意思都未必係一樣。有聽過啲經紀話，只要有兩層的 Condo 單位， 都可以叫＂復式＂。 但今日我地講既， 係指 Ｍultiplex. 加拿大聯邦既解釋係， 兩至四個單位。 無話係上下， 定左右。 總之幾個單位癡埋就理論上叫 Multiplex. 當然， 我都有見過 Duplex Townhouse. 即係有好多間同樣設計既 孖屋 係同一個屋苑. 草地係共管的. 以整個屋苑計, 當然唔係 Multiplex, 因為多過4個單位.
減輕建築成本
好處係, 同一塊地, 可以起多幾個單位, 可以分開賣, 地主或發展商最終可以賺多啲. 對市政府嚟講, 可以不需要開發新地既情況下, 增加樓房供應. 而一般市民用既設施, 都唔需要特別增加… 好多. 增加密度可以增加稅收。亦可以 “釋放” 出更多既用地. 理論上, 增加供應, 有助對樓市降溫. 租客都有著數既. 但之不過咁. 理論上， 呢個係針對 infill 重建既制定. 因為屋主本身唔會無喇喇拆咗間屋, 重新起過. 除非有利可圖. 一陣可以講多Ｄ. 但比起舊時, 發展商唔洗 為咗有限既區域而淨崩頭. 地價平咗， 自然屋價都唔能夠賣咁貴。
而相信較接近市中心的旺區， 慢慢擴散出去. 而新既區域，可能都會有復式單位出現， 但新區通常偏遠，有無需要中密度既房屋呢? 復式房屋唔單止可以增加密度, 亦可以減輕建築成本. 而價錢可以賣平啲, 吸引啲. 所以新區既復式, 可能都會有。而今次係復式單位， 最多係四個。 所以對啲小型啲既發展商，會有多啲機遇。
只有居住空間變細咗
唔好處呢? 就係會令原本地區變得更密集。 加一戶, 兩戶無乜影響. 但如果多既話就會感覺到. 街上行駛車多咗, 泊既車又會多咗， 糟雜咗， 租客可能會多咗， 社區設施多咗人用，去銀行排隊都會多咗，一些既資源會分薄咗。 所以， 喜歡空間感， 靜或人稀既住戶， 就無咁理想。但係又唔洗太過擔心變咗做九龍城寨! 根據其他城市既做法, 唔係所有屋都可以重建成為復式. 都要睇下你本身塊地有幾大, 幾闊. 有啲會計埋重建後, 夠唔夠車位俾多出嚟既單位用, 夠唔夠綠色空間, 有無鄰居投數, 反對等. 所以如果你係多市市民, 反而要考慮加入你既意見, 點樣去建立呢啲條例. 每個 ward 都可以制定不同既細節.
會唔會一下子, 條街變哂做復式住宅? 咁就真係要睇下地段值唔值錢， 需求 等因數。 一條街同一時間有十間， 八間重建，都唔係未聽過。要變既， 都可以變得好快。尤其一開頭， 剛＂釋放” 出咁多地方時， 必然有好多投資者想食頭啖湯。
地區變得更密集
作為屋主, 又有咩影響? 地價可能會提升. 因為發展商可以賺多啲, 咁佢會出高啲既價買你間屋. 除咗發展商會投資, 屋主亦都可以做埋發展商, 或同發展商合作. 我見好多地方, 都會將自己間屋, 由一間變兩間. 一間自住, 另一間賣出. 咁都可以賺錢. 比如話, 你本身間屋係100萬, 1000 尺單層獨立屋. 重建費係50萬. 起好之後, 每間都有兩層, 每間都有 1000多尺. 又搞智能家居, 新穎設計, 又盛咁, 每間都可以賣100萬. 你住一間, 賣另外一間, 收100. 減50建築費, 你仲有錢袋. 比起你直接賣咗手上既100萬屋, 跟住又要買過另外一間, 又要搬區嚟講, 可能會好啲. 好多人, 剛建立家庭時, 需要大啲既屋. 但當仔女離開屋企後, 唔需要咁多空間, 便可以咁樣利用本身既價值去賺多少少, 早啲可以退休.
當然, 唔係咩地段都可以咁. 都要睇下你本身塊地值唔值錢. 間屋有幾舊, 地價會否貴過屋價等條件. 同一時間, 亦都睇下呢個例子既情況. 新起既屋, 可以起多層, 多咗居住空間, 便可以賣貴啲. 當然, 50萬建築費可以賣100萬, 就誇張咗啲, 但係個概念係一樣， 都係有錢袋. 你間屋又係新建, 又可以用多50, 100 年使用. 可以留返比下一代, 或者做 reverse mortgage, 攞返資產既價值出嚟用. 所以呢類型既重建，多數都係計清楚條數先做。對樓價影響唔大。 因為佢唔會平賣。 只有啲間屋係舊到住唔到人， 係咪都要清拆時，發展商就會睇中呢Ｄ 嚟收購。如果你係屋主, 又會唔會重建你間屋呢?
但其實諗清楚, 到頭來, 屋價無變, 都係咁高, 只有居住空間變細咗.
傳送: https://youtu.be/hA71NAGwf6o
![[2/5] 卡城樓房買賣記錄下跌21%](https://calgarybuysellhouse.com/wp-content/uploads/2023/05/report_featured.jpg)
卡城房地產委員會（CREB ）報告， 四月份的房屋銷售比一年前下跌 21%, 而新增樓盤供應亦下跌約31.7%. 令總存庫跌至3238， 下跌33.6%。 樓盤減縮情況下， 會導致樓價有上調壓力。
傳送: https://www.creb.com/Housing_Statistics/documents/04_2023_Calgary_Monthly_Stats_Package.pdf
![[1/5] 卡城四月份基準樓價按月上升2%](https://calgarybuysellhouse.com/wp-content/uploads/2023/04/houseprice_featured.jpg)
卡城房地產委員會 (CREB) 公佈卡城四月份基準樓價按月上升2%, 按年上升 1.2% – $550, 800 (unadjusted).
| 樓宇類別 | 標準樓價 (unadjusted) | 按年 |
|---|---|---|
| 獨立屋 | $661, 900 | +2.4% |
| 孖屋 | $593, 200 | +2.3% |
| 排屋 | $387, 400 | +7.4% |
| 大廈 | $299, 400 | +10.2% |
| 卡城地區 | 標準樓價 (unadjusted) | 按年 |
|---|---|---|
| North | $517, 100 | +1.1% |
| North East | $447, 800 | +2.6% |
| North West | $594, 800 | +2.7% |
| City Centre | $592, 500 | +0.3% |
| West | $667, 500 | +2.1% |
| East | $362, 800 | +5.7% |
| South | $532, 200 | +1.2% |
| South East | $540, 800 | +1.0% |
傳送: https://www.creb.com/Housing_Statistics/documents/04_2023_Calgary_Monthly_Stats_Package.pdf
![[28/4] 卡加利輕鐵綠線公佈發展伙伴](https://calgarybuysellhouse.com/wp-content/uploads/2023/04/ctrain_featured.jpg)
卡加利輕鐵的綠線局今天 公佈發展伙伴: Bow Transit Connectors (BTC). 這意味著綠線正式進入發展階段. 綠線局 亦同意發展伙伴的建議， 延長計劃階段， 由十二個月延長至十六個月。 動工階段則維持2024年開始。綠線的第一期是卡加利有史以來最長的路段（18公里）， 亦會造就大約二萬個工作機會。 源線的物業亦會有增值潛力。
傳送: https://newsroom.calgary.ca/green-line-names-bow-transit-connectors-as-development-partner/
最新一份, 來自卡城房地產委員會(CREB) 公佈 2023 年第一季度 的標準樓價是 $531,200. 比2022 年第四季上升2%. 由於供應較少, 而來自其他省份的需求大增, 所以樓價稍為上升.
基準樓價不等於平均樓價. 基準樓價的計算方法, 是以每區的一般性樓房的銷售記錄, 整合後計算出來的約數. 只作參考.
傳送: https://www.creb.com/News/CREBNow/2023/April/CREBs_Q1_2023_Housing_Market_Report/
![[27/4] CMHC 預計今年全國樓價持續下調](https://calgarybuysellhouse.com/wp-content/uploads/2023/04/cmhc_featured.jpg)
加拿大按揭和住房公司 (CMHC) 預計, 因持續高借貸利率, 今年樓價在今年下調, 需到2023年尾或2024年才回升, 而房屋供應亦會減少. 但不會跌穿疫情前水平. 卑詩省, 魁省, 安省 會有較大既跌幅. 另外, 因為樓房較難負擔, 所以會導致樓房租金有上調壓力.
傳送: https://www.cmhc-schl.gc.ca/en/blog/2023/lower-house-prices-less-supply-projected-2023
根據卡城三月份的銷售數據, 房屋平均樓價上升6%. 以下是分類的平均樓價.
| 房屋類別 | 平均樓價 | 按年 |
|---|---|---|
| 獨立屋 | $706, 816 | +5% |
| 孖屋 | $614, 046 | +5% |
| 城市屋 | $392, 303 | +9% |
| 大廈 | $305, 221 | +5% |