一般人對 加拿大 既印象都係空氣好, 多綠色地帶. 現實都係既. 所以要斬一棵, 都唔係話斬就斬. 就算係正你屋企範圍, 都未必咁容易. 處理樹的條例, 每個省都不同, 甚至城市, 可能都有附例. 今日就講卡加利的附例.
唔講可能你唔知, 講咗你都未必想知… 卡加利係全加拿大其中一個最多樹既城市. 而大部份既樹都係卡城市政府擁有, 畢竟市內有好多公園. 但係, 唔單單只係公園, 就算係種係你屋既前後園內, 都可能係市政府擁有!!! 如果要斬，就唔係咁簡單喇。
首先到卡城的市府樹地圖，Zoom 入去， 直至睇到你屋企條街。 你會見到好多點。 每一點, 就係卡加利市政府擁有既樹. 唔同顏色既點代表唔同種類. 你點一點個顏色點, 你會見到好多樹有個價錢係度. 呢個係市政府做既一個估值. 想斬既話, 你要先問市政府, 而你可能要賠錢俾政府, 先可以斬. 如果唔係，可能會罰得仲多。 所以話， 講咗你都未必想知 XD. 如果係棵百年稀有古樹, 咁就大獲啲. 不過唔多既.
如果棵樹係你同你隔離屋之間或附近， 咁你就要睇清楚你屋既界限線(property line) 係邊。 有時， Fence 未必係啱。 要揾市政府嚟度位。如果係正界限線上， 你要同你既隣居商討。 雙方同意先好，避免日後法律責任。 最好就白字黑字。
另外, 有啲勁特殊情況, 係地契上既條文. 雖然好罕有, 但地契上係可以寫明, 棵樹唔可以斬… 呢個情況, 就要同市政府傾.
錢錢錢
咁要幾錢? 要睇下棵樹幾高同有無電線係附近。可以叫一啲做園藝既公司打價。高空電線多啲， 自然要做得小心啲， 時間長啲。 斬樹既工司一般都有部升高台既貨車。 但係如果去到三樓，咁就好高， 要多啲工具先斬到。 又係時間。 用既時間越長， 佢打價當然會貴啲。 一般嚟講， 都係幾百蚊一棵。 斬幾棵，就更係平過專登嚟斬一棵。通常一日可以斬一， 兩棵。。。 睇下老闆喇。根就多數唔拔。 睇下你有無需要。打價時要講清楚。 斬出嚟既樹枝，樹葉， 佢地會攞去氹。 而好粗啲既樹幹， 佢地可能會攞去賣，賺多少少。 但當然唔會分俾你。 不過， 如果想要一啲粗樹幹，放係後園當櫈座，你就要先同佢講明，睇下佢會唔會幫你鋸短啲。 睇下佢收多你幾多錢。 如果佢唔做， 你都可以考慮叫佢留底一， 兩節，自己做，慢慢鋸。最後用 Wood Sealant 加工做防水層. 好多 youtube 有教. 咁就有張好大自然 feel 既戶外傢俬。 仲有， 記得揾有公司， 有買保險果啲。 因為工程係你屋企範圍。萬一 touch wood 有咩損傷， 你有可能要負責。
DIY
可以 DIY 嗎? 唔係太高既話，當然可以。但如果你係斬一棵半棵，你要買既工具，同花既時間， 就未咁值。 ＊帶一帶頭盔先。斬樹有風險， 棵樹會唔會擲到人，擲到建築物。有高空電線係附近既話， 又會危險啲。 唔單止話你會電親， 亦可能啲樹枝整斷條電線， 咁你賠得甘啲囉。 你又點都會有機會爬高爬低， 都有機會跌親。 身手唔係咁好既， 就免喇。 俾幾百蚊人賺喇。 ＊
如果係近一樓高度， 低過二樓， 無高空障外， 地型較平， 空間較大， 無機會擲到隔離屋， 擲到你自己間屋， 基本上，做足安全措施, 有工具，做下資料搜集， 好多人都可以 DIY。 你要自行判斷。 你需要多一個或兩個人幫你。 一個負責睇實斬樹範圍有無其他人。 可能有人派傳單， 外賣送錯地址，傳教士，白撞， 騙子，隔離屋隻狗。總之跌落嚟既樹枝唔好擲親人同動物。 所以要有人係下面睇水， 叫人唔好行埋去。 大至上係 由下至上斬哂 啲樹技，然後樹幹由高斬起。
工具嚟講， 長梯， 短梯都需要。 但如果你日後要走 DIY 之路， 都避唔到。 當係長線投資。 但如果棵樹高過長梯好多， 咁就危險啲。可能就唔適合自己做。頭盔，手套就必要喇。都係有限錢。 修樹既鋸（pole pruner），都唔係好貴。 我果把唔洗 $100。如果係電動， 就要三四倍價錢。睇下你有幾多樹要斬。同睇下二手市場。 短既樹鋸（pruning saw）斬矮果部份。 樹鋸通常都會長啲，彎啲。但如果你棵樹唔係咁粗，普通粗用手鋸都做到。我用咗一把有牌子既，真係好用過係 W 買果把。 鋸齒利啲，有兩排鋸齒。所以會鋸快好多。價錢差果十幾蚊，慳既時間同力氣都抵返哂。
斬／剪出嚟既樹枝，樹幹， 可以於進綠色桶。但要斬到 fit 得到個桶先得。 呢部分可以係地上慢慢剪。安全啲。 如果先將篷布（tarp）鋪係地，會容易啲清理或拖到綠色桶附近。篷布都好有用，平平地，可以用好多次, 用途亦多。連 camping 都可以用得著。 所以超值得買。
點？你覺唔覺得你做得嚟? 記得要量力而為。如果工作中， 發覺係做唔嚟， 咁唔好勉強繼續。 揾專業人仕幫你手。 為咗幾棵樹， 整親自己就唔值得。
*任何 DIY 都有風險. 此網站只是分享經驗或相關資訊. 你的實際需要亦不一樣, 所以不要模仿. 請找專業人仕代勞. All DIY info have risk. This website only share experiences or related information. Your mileage may differ. Please do not follow above, and seek professional trade instead.*
