加拿大

過去星期二聯邦政府公開一個計劃之中， 當中有提及關於短期出租嘅情況。 呢幾年短期出租 既情況非常之旺盛，尤其是係airbnb。 因為所賺嘅錢可以供到層樓。 就算供唔到嘅話都可以幫到大部分嘅 按揭還款。 所以對投資者嚟講係非常之吸引。

不過近年亦都有好多研究報告聲稱， 短期出租嘅市場會直接影響長期出租嘅市場。 多咗人做短期出租就代表減少咗長期出租嘅供應。 再加上短期出租賺咁多錢，吸引咗更多人做租盤嘅投資者。 亦即係話變相 自住嘅比率下降。 最近呢幾個月包括聯邦政府同好多唔同城市嘅市政府，不同既省政府，都覺得要對呢啲短期租盤做一啲嘅改動或者限制。 睇嚟是在必行。如果三級政府都要打擊短期租約的話 作為投資者可能要小心。

當然唔同城市嘅措施都未必一樣，因為都唔係個個城市都有咁大嘅短期租約市場。 所以建議一啲投資者要做一啲準備措施條數可能要預鬆少少。

傳送：

Canada has a new measure to help homeowners pay their mortgages. Here’s what you need to know

剛剛過去的星期二 聯邦政府宣佈一個新嘅計劃， 幫助一啲供緊樓 但面對龐大經濟壓力嘅人。 主要係以加長 還款期， 免去一啲無謂嘅手續費， 如果要續按時候可以選擇另外一間銀行而無需要再重新審查。 呢啲措施都係避免借款人爆煲。一爆煲嘅時候， 宣佈破產 銀行就會增加壞賬 。而到時銀行亦都會揸緊措施，增加其他 借款人嘅經濟壓力。可能會出現排山倒海 嘅現象。

傳送：

Canada has a new measure to help homeowners pay their mortgages. Here’s what you need to know

根據環球新聞（Global News）既報導， 加拿大整體上嘅樓市買賣變得比較靜。 主要係因為利息高企。 甚至有啲賣家收返個盤， 等時機好啲嗰陣時先至放盤。 高利息嘅時候， 好多潛在家都未必能買得到。 少咗人爭嘅時候變咗個價錢未必買得咁好

當然有啲賣家都係逼不得已。 尤其是係個租金收入未必能夠抵於按揭嗰舊錢。 咁 呢類型投資者就會選擇係呢個時候賣樓。

不過都唔係所有城市都係咁。其中一個例外就係卡加利。 現時卡加利樓價相比其他城市比較吸引所以 樓市相比之下比較活躍。 但之前有消息表示卡加利週邊的衛星城市亦都開始淡落嚟。 衛星城市通常都係畀主要城市所影響同帶動。 所以好可能卡加利， 嚟緊嘅樓市亦都會慢慢進入寒冬。

傳送：

It’s been ‘hard to sell’ in many housing markets across Canada. Here’s why

十月份嘅租金報告表示， 卡加利的平均租金大概上升0.1%， 安年升14.7%。 雖然比上年多，但係如果 比較 返九月份， 可以話冇改變。 所以有跡象表示卡加利的租金稍為剩下來。

愛民頓喺十月份平均租金上升1.5%， 按連上升8.6%。 卡加利同愛民頓兩者嘅關係比較密切。 有機會因為人口流動關係， 導致卡加利租金 消除上升嘅壓力。

傳送:

https://rentals.ca/national-rent-report

當租金不停上升時， 咁唯有大屋搬細屋。 咁但係你已經住緊細屋，咁又點呢？ 可能你會考慮合租屋。 加拿大啲屋比較大， 所以比較適宜同人哋合租。 可以係兩個家庭分享一間屋又或者 幾位單身或無子女的夫婦 合租。 當然合租屋呢個名詞比較好聽啲， 但其實咪就係 淨係 租一間房。

喺合租屋裏面 ，廚房，廁所，廳等都會同其他租戶分享。 雖然要同人分享， 但係租房比較平。

最近有租金報告表示 , 租房間嘅租金有明顯嘅上升。

卑斯省，阿省，安省，同 魁巴克省， 都多咗房間去放租， 畀上年同期多42%。 平均租金方面亦比上年同期多大約19%。 當中卑斯省嘅房租比較高 達至$1176。 而阿省嘅間房平均為$870。

十月份卡加利平均一間房嘅租金為$911；愛民頓為$737。

傳送:

https://rentals.ca/national-rent-report

根據樓宇出租調查網站, Rentals.ca, 表示卡加利在十月份的租金只係稍為上升0.2%. 比起上年同時間側上升14.2%.

滿地可租金亦有上升 十月份升幅比較大。 現時平均租金已超過卡加利。 兩個城市 一直都係 租金相約。

傳送:

https://rentals.ca/national-rent-report

加拿大央行決定 基準利率不變。 基準利率將於維持 5%。

基於全球經濟放慢腳步， 預測全球經濟增長只有2.9%。 雖然美國繼續有強勁嘅經濟, 但中國經濟比預測 更差。 再加上通貨膨脹放緩， 所以利率可以維持不變。

對於加拿大經濟嚟緊嘅預測 都會係 比較疲弱。 預測今年經濟增長會係1.2%

下年0.9%再下年2025年係2.5%

傳送：

https://www.bankofcanada.ca/2023/10/fad-press-release-2023-10-25/

加拿大央行將於十月二十五日 公佈基淮利率. 安省省長在 X (推特) 公開呼籲 央行停止加息. 當然, 好多銀行, 金融機構都有相關呼籲, 希望藉此向央行施壓. 當然, 央行都要睇返啲數字. 最近的通脹 比預期為低, 所以很可能央行今次不會加息.

傳送:
https://twitter.com/fordnation/status/1716101700665131183?ref_src=twsrc%5Etfw%7Ctwcamp%5Etweetembed%7Ctwterm%5E1716101700665131183%7Ctwgr%5Ec29f95a2654d4f36b905e39d7c7a8c7d6825493c%7Ctwcon%5Es1_&ref_url=https%3A%2F%2Ftoronto.ctvnews.ca%2Fontario-premier-doug-ford-asks-bank-of-canada-prime-minister-to-pause-interest-rate-increases-1.6612109

金融機構監理總署 (OFSI) 對加拿大的金融機構 發出資本指引的修改. 修改內容基本上是要緊固和提升 有可能持續加息的風險管理. 對於借貸機構的資本持有比例需要上升。 這樣可以減少 負攤銷抵押貸款 的比例。 當局聲稱不會影響現有的 抵押貸款。

什麼是 負攤銷抵押貸款 (Negative Amortization)？ 就係每個月的還款額 低於貸款既利息。 一般嚟講， 你借咗一批錢，都會分咗Ｘ咁多期， 而每期 （或每個月）都要還 Ｙ咁多錢。 Ｙ係還款額, 而一般來說, 當中會包括 繳交 利息 (interest) 既部份 和 償還 本金 (principal) 既部份. 但如果利息大幅上漲時 (好似而家咁), 利息部份會上升, 而償還本金部份下降. 當利息上升超過還款額時, 你既本金, 不但唔會下降, 反而會上升. 即係話 利息都唔夠俾. 你可能會問, 咁我每個月供款唔會都相應提升架咩? 咁就睇下你既貸款合約. 因為有一啲叫做 定額還款, 即係就算加息 或 減息, 還款額都係一樣. 對於消費者嚟講, 會比較平穩, 可以有效預測每月開支. 但唔好處係, 減息時, 每月還款額唔會下降. 而且還款年期, 會因此而不穏定. 較難預測幾時先可以還哂啲錢。 如果你諗住退休時可以還哂啲錢，咁呢種做法就會增加不確定因數。仲有，當貸款成為 負攤銷抵 時，你既本金會上升， 從而增加你要交既利息。 所以， 係加息既情況， 雖然每月還款額不變， 但對整個貸款嚟講， 你係會俾多咗利息。 如果你手上資金鬆動既話， 可能要考慮主動向銀行 做單次性既還款。 最好就向你既 個人財務顧問 查詢， 畢竟每個人既情況都唔同。

OK, 講咗咁耐， 即係點? 金融機構監理總署 (OFSI) 就係怕一啲金融機構, 資不抵債, 所以叫金融機構 要管好呢方面既潛在問題. 早前 Fitch Rating 指出, 滿地可銀行 (BMO), 加拿大帝國商業銀行 (CIBC) , 皇家銀行 (RBC), 和 多倫多道明銀行 (TD) 係呢方面既貸款比例較多. 所以對於呢方面既新貸款, 呢啲銀行可以會較審慎. 至於新例對 加拿大豐業銀行 （BNS）和 加拿大國民銀行 （NBC） 則沒影響。

傳送:

https://www.wealthprofessional.ca/news/industry-news/canadas-banking-regulator-unveils-new-guidelines/380688